Sala Nautilus do Aquarium Finisterrae. Foto: MC2.
Sala Nautilus do Aquarium Finisterrae. Foto: MC2.

Viaxa ao corazón do Aquarium na Coruña

Como se pon a funcionar un acuario? Como se filtra e limpa a auga? Como se calculan e controlan as condicións axeitadas para que os animais poidan habitar estes lugares? Como se prepara a comida? O Aquarium Finisterrae, dos Museos Científicos Coruñeses, prepara unha nova edición da actividade “Viaxe ao centro do Aquarium“, unha visita de 90 minutos por algúns dos lugares clave para o funcionamento desta instalación. As vindeiras citas terán lugar ás 12 horas dos días sábado 29 e domingo 30 de setembro e sábado 3 e domingo 4 de novembro.

Para participar, cómpre estar atentos para inscribirse o vindeiro luns 24 de setembro ás 10 da mañá, cando se abrirá o formulario de inscrición que podes consultar nesta ligazón. A actividade, dirixida a maiores de 14 anos, ten un límite de 15 prazas por día. Pódese preinscribir a catro persoas por solicitude.

Despois de recibir a confirmación por correo electrónico da preinscrición, segundo sinalan desde os Museos, é necesario abonar o prezo da entrada ao Aquarium Finisterrae. Este trámite é gratis para titulares de Tarxeta 20 e membros da Asociación de Amigos da Casa das Ciencias. Só se contactará por e-mail coas persoas que obteñan praza, mentres que o resto de solicitudes formarán parte da lista de espera.

Podes acceder ao formulario a partir das 10 horas do luns 24 nesta ligazón.

 

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.