Un dos meses do Calendario Científico Escolar 2020 do CSIC.

Aquí podes descargar en galego o Calendario Científico Escolar 2020

O CSIC publica esta obra educativa de balde coa colaboración dos Museos Científicos Coruñeses

Sabías que Urano foi sobrevoado por primeira vez pola sonda Voyager 2 o 24 de xaneiro de 1986? Que Margarita Salas, a investigadora do CSIC que desenvolveu a patente máis rendible de España, naceu un 30 de novembro de 1938? Ou que Brian May, guitarrista de Queen e astrofísico, publicou en Nature o primeiro artigo da súa tese doutoral o 15 de decembro de 1972? Nacementos de investigadores e investigadoras de renome, avances científicos e curiosidades como estas foron reunidas no Calendario científico escolar 2020, que recolle para cada día do ano un aniversario científico ou tecnolóxico.

A iniciativa é froito do Consello Superior de Investigacións Científicas (CSIC) e a Universidade de León, e contou coa colaboración dun amplo número de profesionais da educación e outras persoas voluntarias que, tras unha invitación pública á participación, buscaron e propuxeron aniversarios. Entre as institucións colaboradoras, destacan os Museos Científicos Coruñeses.

Dirixido fundamentalmente ao alumnado de Primaria e ESO, o calendario está acompañado dunha guía didáctica con actividades que poden ser adaptadas a distintos rangos de idade e materias.

Para favorecer a súa utilización nas aulas, os materiais están dispoñibles en castelán, galego, eúscaro, catalán e asturiano.

“Fixemos un esforzo por dar a coñecer persoas e achados do presente co obxectivo de achegar a cultura científica á poboación máis nova”, explica Pablo Gutiérrez Torral, coordinador do proxecto. “Ademais, puxemos especial atención no uso dunha linguaxe non sexista e en asegurar a visibilidade das mulleres científicas e tecnólogas, para poñer ao dispor do alumnado referentes que promovan as vocacións científico-técnicas entre as nenas e adolescentes”, sinala o investigador do CSIC.

Aquí podes descargar o Calendario Científico Escolar

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.