Martes 27 Febreiro 2024

Martes de Entroido con entrada gratis nos Museos Científicos Coruñeses

Casa das Ciencias, Domus e Aquarium Finisterrae ofrecen as súas novidades e centos de contidos atractivos na xornada de portas abertas

Co gallo da celebración do martes de Entroido, os Museos Científicos Coruñeses (Casa das Ciencias, Domus e Aquarium Finisterrae) celebran unha xornada de portas abertas á cidadanía. Ao tratarse dun día festivo na cidade, é unha boa ocasión para gozar coas exposicións e actividades dos tres centros, así como coñecer as súas novidades máis recentes.

Así, no Aquarium Finisterrae está a nova exposición interactiva “Sexo Azul”, que presenta acuarios nos que poden verse especies que se caracterizan por executar complicadas danzas nupciais, intercambiar os roles feminino e masculino ou cambiar de sexo ata vinte veces ao día. Ademais hai módulos interactivos con xogos e pantallas táctiles, que tratan sobre as sustancias químicas, os sons e as danzas que os animais acuáticos utilizan para atraer as súas parellas, o vínculo entre o sexo e o mar na mitoloxía, ou as diferentes estratexias de apareamento.

Na Casa das Ciencias, haberá catro sesións de Planetario: dous programas para público infantil, “A Noite do vampiro” ás 12 horas e “Alén do sol” ás 17 horas, e outras dous recomendadas para público a partir de 10 anos, “Deep Sky” ás 13 horas e “A noite é necesaria” ás 18 horas.

A visita á Domus inclúe entre as súas propostas a exposición “Xogo de neuronas“, con actividades que poñen en práctica as diferentes habilidades das persoas, como intentar reproducir nun teclado unha melodía, intentar reproducir un debuxo seguindo as instrucións verbais que lles dá outra persoa, ou xogar cun aparello con pulsadores a diferentes alturas que se debe pulsar o máis rápido posible cando se acenden.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O planetario da Casa das Ciencias estrea unha proxección para público infantil

Un filme con dous esquíos como protagonistas ensinaralle os nenos de 4 a 7 anos as condicións de vida doutros planetas do sistema solar

A eternidade por fin comeza un luns

Artigo gañador da VI edición do IGFAE C3, o concurso de comunicación científica do Instituto Galego de Física de Altas Enerxías
00:05:26

Gciencia fai 10 anos

O portal da ciencia culmina dez días de celebracións polo seu décimo aniversario

Máis xornalismo e máis divulgación

Editorial de Gciencia polo seu décimo aniversario