Desde que chegou a Xúpiter, a sonda Juno está orbitando arredor do gran planeta do Sistema Solar. E cada pouco tempo remite imaxes abraiantes sobre as nubes que cobren as superficie. Grazas ao traballo dos propios investigadores da NASA, pero tamén doutros científicos, artistas e cidadáns en xeral, poden crearse imaxes que recollen os datos de Juno para plasmar o que poderiamos ver se estiveramos preto de Xúpiter.
E os resultados son auténticas obras de arte. A fotografía publicada pola NASA foi creada polo científico cidadán Kevin M. Gill, e amosa unha enorme fronte de nubes que rodean unha forma circular dentro dunha rexión de corrente en chorro, chamada Jet N6.
A imaxe foi tomada por Juno cando se atopaba a uns 13.000 quilómetros das nubes máis altas de Xúpiter, e aunha latitude duns 55º norte, o pasado 12 de febreiro, e foi editada e rotada por Gill para facela máis atractiva.
Todo o mundo pode acceder as imaxes da cámara de Juno en formato .raw nesta ligazón.
