É recomendable apartarse de cidades e vilas que aporten contaminación lumínica.
É recomendable apartarse de cidades e vilas que aporten contaminación lumínica.

Estrea de “A noite é necesaria”

A Casa das Ciencias dos Museos Científicos Coruñeses (mc2) acolle esta tarde ás 18 horas a estrea de “A noite é necesaria“, a última película producida polos mc2, que conta tamén coa colaboración da Fundación Española para la Ciencia y la Tecnología (Fecyt). A cita terá lugar no Planetario do museo coruñés.

“A noite é necesaria” é un proxecto que aborda o problema da contaminación luminosa e o seu efecto na natureza e a saúde das persoas. Este asunto, que naceu como unha preocupación dos astrónomos pola perda do ceo estrelado, estendeuse tamén nos últimos anos a outras disciplinas debido a estudos científicos que demostraban os seus efectos negativos.

As imaxes de “A noite é necesaria” foron tomadas en cidades españolas participantes no proxecto apoiado pola Fecyt. Na iniciativa tamén colabora a Agrupación Astronómica Ío, que produciu diversos materiais e accións divulgativas sobre a conservación do ceo escuro. Neste mesmo senso, a cidade acolleu en maio a primeira edición do Encontro da Noite, que reuniu a expertos de diversos eidos e que remarcou a necesidade de promover os ceos limpos.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.