A Domus da Coruña celebra esta fin de semana o Ros Film Festival, un evento de cine robótico que combina tamén arte e investigación. O festival, que se celebrará os días 19 e 20 de outubro, dá cabida a creadores e directores de cine pero tamén investigadores, científicos e enxeñeiros que queiran converter os seus traballos e proxectos en curtametraxes.
Nestes días, ademáis das proxeccións e curtas e sesións divulgativas, o público xeral poderá asistir a obradoiros sobre teatro robótico impartidos por expertos no eido, que terán lugar o sábado 20 ás 10:30, 12:30 e 16.00 horas. Para participar neles, os interesados poderán inscribirse neste formulario electrónico que abrirá o martes 16.
Programa do Festival Ros de Cine Robótico
Venres 19, ás 18.30: proxección de curtas do ROS Film Festival I. A continuación, charla debate “¿A quién importan los robots?“, coa intervención de Ricardo Domínguez. Para todos os públicos. Entrada libre ata completar capacidade.
Sábado 20 ( 10:30, 12:30 e 16.00 horas): Obradoiros de teatro robótico, dirixidos a persoas de 10 a 18 anos.
Ás 18.30: Proxección de curtas do ROS Film Festival II. A continuación, charla debate Robots en la gran pantalla, coa intervención de Ángeles Gómez. Para todos os públicos. Entrada libre ata completar capacidade.
