Regresan as NerdNites a Santiago de Compostela o vindeiro martes 23 de outubro. A partir das 21.30 horas, o café Casino acolle unha nova edición destas veladas de divulgación científica que achegan temas de interese aos asistentes, da man de expertos en diversas materias. Nesta ocasión, as charlas falarán de memoria dos defuntos e antropoloxía, os sistemas de medición do gas radon e da posibilidade de que o planeta se vexa afectado pola radiación de tormentas solares.
Os poñentes serán Cristina Sánchez Carretero, investigadora do Instituto de Ciencias do Patrimonio (Incipit-CSIC), cunha intervención que levará por título ‘Morte, memoriais e espazo público‘; Dolores Cortina Gil, profesora do Departamento de Física de Partículas da USC e investigadora do Instituto Galego de Física de Altas Enerxías, con ‘Os ollos que ven o radón‘, e Jorge Eiras Barca, investigador posdoutoral Fulbright na Universidade de Illinois e asociado ao Departamento de Física Aplicada da UVigo, con ‘Tormentas solares xeomagnéticas: poderíamos quedar a escuras?’
Deseo asistir. Me parece interesantísimo el tema y quiero aumentar mi conocimiento