A presenza da sardiña nun acuario non é un feito habitual. Estes peixes destacan polo seu interesante comportamento: reúnense en grandes bancos. Así, o Aquarium Finisterrae da Coruña quere mostrar ao seu público esta costume que caracteriza á especie clupeiforme. Para iso, deben capturalas, un proceso complicado de realizar, polo que dende a institución comparten un vídeo divulgativo na súa canle de YouTube, onde mostran como fan esta delicada tarefa de recolección dende o mar.
Dentro dos límites do acuario, atópanse dous bancos de sardiñas. A pesar de ser difíciles de manter, tratan de garantir o seu benestar dende o momento da captura dos exemplares. O proceso é extremadamente coidadoso por parte do persoal do Aquarium, cunhas fases medidas para evitar complicacións.
Nun primeiro momento, o barco cércase deixando un gran volume na rede, como se pode observar neste vídeo. Despois, colléitanse as sardiñas e deposítanse nun tanque con subministración de osíxeno e circulación de auga. Así, aseguran á especie con gran coidado, pois son moi delicadas.
Deste xeito, trasládanse ao recinto coruñés nas mellores condicións para a súa incorporación á colección biolóxica do acuario, que se leva a cabo en mans dos traballadores, coa fin de mostrar a un público con sede de aprender este peixe, para admirar a sincronía do seu movemento en grupo.
