O buque oceanográfico Sarmiento de Gamboa.
O buque oceanográfico Sarmiento de Gamboa.

Visitas guiadas ao buque Sarmiento de Gamboa en Vigo

A cidadanía de Vigo ten durante esta semana unha boa oportunidade para subir a bordo do Sarmiento de Gamboa, un dos buques oceanográficos punteiros do CSIC, e que ten precisamente a súa base de operacións no peirao vigués. Desde o martes 6, e ata o venres 9, toda persoa que poida e queira participar poderá subir ao barco de forma gratuíta, previa inscrición, nunhas visitas guiadas por persoal científico e técnico da entidade, ao abeiro da iniciativa “Ciencia no Porto”.

O obxectivo da iniciativa é achegar á sociedade a investigación mariña e sensibilizar sobre a importancia do coñecemento e o coidado do océano. Desde a súa primeira edición, en 2007, cando o Sarmiento de Gamboa fixo escala en Vigo, A Coruña e Celeiro, ademais doutros portos da península.

Para participar é preciso facer unha inscrición previa no enderezo de correo ucc.galicia@csic.es

As visitas organízanse para grupos de 20 persoas, de martes a venres. En horario de mañá (10-11.30 horas e 11.30-13 horas), será a quenda dos centros educativos de ensino secundario, medio e superior. Pola tarde será o turno do público xeral, en horario de 15 a 16.30 horas. O mércores 7 haberá unha visita con intérprete de lingua de signos para as persoas que o precisen.

Para participar é preciso realizar unha inscrición previa a través do correo electrónico ucc.galicia@csic.es, indicando nome e apelidos, ano de nacemento, correo electrónico, teléfono de contacto e data e horario solicitado para a visita.

A actividade está recomendada para maiores de 10 anos e menores de 75, por motivos de accesibilidade. Os participantes deberán estar 10 minutos antes da hora indicada na porta de acceso. Ademais, o CSIC contempla a posibilidade de que a actividade sexa cancelada ou modificada en función das necesidades operativas do buque.

O Sarmiento de Gamboa

É unha das catro embarcacións dedicadas á investigación científica nas que participa o CSIC, ademais do Hespérides (propiedade da Armada española), o García del Cid e o Mytilus. Todos eles prestan servizos a equipos científicos dos centros do CSIC e outras institucións nacionais e internacionais.

Polas súas dimensións, características e custes, tanto o Sarmiento de Gamboa como o Hespérides son consideradas Infraestruturas Cientificas e Tecnolóxicas Singulares (ICTS), un selecto grupo de instalacións grazas ás cales é posible desenvolver proxectos de vangarda na investigación. Grazas aos seus espazos, a súa natureza e ao seu equipamento, pódense desenvolver aquí proxectos que non son viables nun laboratorio convencional.

 

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.