Por que hai mareas vermellas nas rías galegas?

Nin son propiamente mareas, nin son sempre vermellas, mais son un fenómeno ben coñecido pola xente do mar en Galicia, sobre todo os mariscadores. Reciben tamén o nome de purga de mar, e débense a unha “explosión” no crecemento de determinadas algas microscópicas que medran nas rías galegas.

O afloramento mariño que ten lugar na plataforma continental galega debido á elevada presenza de fitoplancto permite que as rías sexan unha enorme fonte de vida diminuta, da que se alimentan os moluscos e crustáceos que os mariscadores capturan. Non en tanto, esta gran actividade biolóxica ten tamén os seus inconvenientes.

Publicidade

As toxinas máis habituais en Galicia son as das algas do xénero “Dinophysis”

Baixo determinadas condicións ambientais, con cambios de temperatura ou de correntes, prodúcese un fenómeno natural que causa o crecemento descontrolado destes organismos. Así, a auga tínguese da cor dos pigmentos que estes organismos utilizan para facer a fotosíntese: hainos vermellos, pardos, alaranxados ou verdes.

Os episodios non teñen por que ser sempre tóxicos. Non en tanto, son frecuentes as aparicións de microalgas con toxinas. As máis habituais nas augas galegas son as do xénero Dinophysis, coñecidas como toxinas diarreicas. Algúns moluscos e crustáceos, como a vieira ou mexillón, entre outros, filtran a auga e as toxinas, que se fixan no seu organismo e poden causar problemas de saúde aos humanos en caso de seren consumidos.

Antes da creación dos mecanismos de control, houbo tamén casos de intoxicación amnésica e paralizante. Non en tanto, debido á importancia económica do marisqueo en Galicia, a Xunta creou o Intecmar, organismo responsable dos controis da auga nas zonas de produción. Para anticiparte aos episodios de toxina e garantir un consumo seguro, fanse milleiros de controis. Así, Galicia é un referente a nivel mundial na calidade dos controis sobre de toxinas.

logo_MEIC_FECYT_Web

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

O mundo micolóxico do Val do Ulla: máis de 660 especies e achados de interese científico

Un proxecto impulsado por AMABUL en colaboración coa Deputación da Coruña identifica máis dunha decena de posibles primeiras citas para Galicia e unha para España

Un equipo da USC e da UVigo crea unha maqueta virtual interactiva para imaxinar o futuro de Galicia

O proxecto do CISPAC crea unha paisaxe alternativa vertebrada en catro eixos temáticos: a comunidade, o hábitat, a enerxía e a alimentación

A provincia da Coruña lidera as emisións galegas de gases de efecto invernadoiro cun 47,4% do total

Un informe do Observatorio Galego da Acción Climática revela o impacto das industrias enerxéticas fósiles no norte da comunidade

Un epistolario inédito revela a rede feminista entre Galicia e Cataluña de principios do século XX

As cartas autógrafas que Micaela Chao Maciñeira enviou en galego á pedagoga catalá Francesca Bonnemaison permiten recuperar unha figura clave do feminismo