Xoves 28 Marzo 2024

Punta Langosteira servirá para obter electricidade das ondas

O novo porto exterior da Coruña en Punta Langosteira servirá para obter enerxía da forza do mar. A Consellería de Industria inaugurou onte a base experimental, de case tres quilómetros cadrados, que servirá para probar os equipos máis avanzados de tecnoloxía maremotriz, que emprega as mareas, e undimotriz, que utiliza as ondas. Calcúlase que Galicia é a maior potencia en España para explotar estas fontes de enerxía, cun 35% dos 20 Xigawatios que poderían producir as ondas en todo o litoral español.

O conselleiro Francisco Conde, na inauguración da base de enerxía maremotriz de Punta Langosteira.
O conselleiro Francisco Conde, na inauguración da base de enerxía maremotriz de Punta Langosteira.

O conselleiro de Economía e Industria, Francisco Conde, coñeceu, acompañado polo presidente da Autoridade Portuaria da Coruña, Enrique Losada, a nova zona experimental que comezou a funcionar en Punta Langosteira e que, segundo salientou, sitúa a Galicia “á vangarda de Europa” na investigación deste tipo de enerxía.
Conde dixo que esta área enmárcase no contexto do proxecto europeo Energy Mare, que está a liderar a Xunta, a través do Inega, e que se centra na análise das posibilidades que ofrecen as enerxías renovables mariñas. A zona permitirá probar prototipos en condicións de funcionamento reais, facilitando validar deseños, compoñentes e materiais para avaliar a súa viabilidade.
O titular de Economía e Industria apuntou ás características do litoral, o seu alto potencial enerxético, a adecuada interconexión eléctrica e a proximidade de parques empresariais como factores que levaron a escoller un área da que, en Europa, só Escocia e País Vasco ofrecen alternativas similares.

Galicia atesoura o 35% da enerxía undimotriz do litoral español

Conde  subliñou que a nova zona, que suma 2,6 km2 de superficie, o equivalente a 370 campos de fútbol, abre importantes posibilidades a empresas, universidades e centros tecnolóxicos, promovendo o emprego dun recurso autóctono do que Galicia dispón dunha gran potencialidade. Galicia é a comunidade con maior potencial de desenvolvemento de enerxía undimotriz, pois segundo cálculos da Xunta, dos 20 GW de potencial de enerxía das olas en España, Galicia suma o 35%.
O proxecto Energy Mare permitirá, en liña co primeiro reto que persegue a Estratexia de Especialización Intelixente de Galicia – RIS3, aproveitar esta oportunidade, avanzando no estudo e o emprego da enerxía do mar. Un recurso que, como subliñou, ten no caso galego capacidade para xerar unha completa cadea de valor, impulsando novas tecnoloxías e aproveitando as sinerxías doutros sectores estratéxicos como o naval ou o enerxético. En Vigo, o proxecto Magallanes traballa nunha liña similar, pero fabricando xa directamente unha máquina flotante que poda obter electricidade das mareas.

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un traballo da UDC sobre investigación básica en epilepsia gaña o Epiforward 2024

O equipo conseguiu reducir a actividade cerebral grazas á aplicación de campos magnéticos en áreas concretas do cerebro

Científicos galegos participan no primeiro mapa español de bacterias resistentes aos antibióticos

A base de datos en liña proporciona o perfil xenómico de 461 cepas, procedentes de 41 hospitais situados en 13 rexións de España

As infeccións de transmisión sexual entre menores de 18 anos medran un 37% en España

O XIV Congreso Nacional GeSIDA celebrado na Coruña reúne a centos de expertos que debatirán sobre os avances e retos no ámbito do VIH

Os Museos Científicos Coruñeses programan do 11 ao 19 de novembro a Semana da Ciencia

Co obxectivo de atender a elevada demanda de visitas, este ano prolónganse durante dúas fins de semana as celebracións da Semana da Ciencia