“María de los Ángeles Alvariño González, bióloga mariña e oceanógrafa, foi a primeira muller que subiu como científica a bordo dun buque español e inglés de investigacion”. Así presenta a revista Nature Ecology and Evolution, do prestixioso grupo Nature, á científica galega, que naceu 0 3 de outubro de 1916.
Born #onthisday 1916: María de los Ángeles Alvariño González, Spanish marine biologist and oceanographer, and the first woman appointed as a scientist aboard a Spanish or British research ship https://t.co/FcdwO5ALMK [1/5] pic.twitter.com/Mim55XAwkM
— NatureEcoEvo (@NatureEcoEvo) 3 de octubre de 2018
A través da súa conta de Twitter, a revista conta tamén que “desenvolveu a súa carreira investigando o zooplancton microscópico mariño, do que se sabía moi pouco cando ela comenzou a estudalo no Instituto Español de Oceanografía, e despois no laboratorio da Asociación Biolóxica Mariña de Plymouth (Reino Unido).
En 1956, Alvariño conseguiu unha bolsa Fullbright para estudar no Woods Hole Oceanographic Institute de Massachusetts, onde traballou, segundo lembra a revista con outra pioneira na investigación do zooplancton, Mary Sears.
Tamén se lembrou Nature dos importantes achados de Alvariño: “22 especies novas de plancton, máis dun cento de artigos, e especialmente citada polo seu traballo sobre os sifonóforos“.
Unha vida para lembrar, e que hoxe segue na memoria da oceanografía. Así, como conta a prestixiosa revista, “un dos barcos de investigación do IEO leva o nome de Ángeles Alvariño, así como dúas especies de plancton: o quetognato Aidanosagitta alvarinoae e a hidromedusa Lizzia alvarinoa.
Obsoleto, mis señores…