Este é o terceiro episodio do pódcast Todas as correntes levan ao CIM, un pódcast de GCiencia en colaboración co Centro de Investigación Mariña (CIM) da Universidade de Vigo para afondar coa sociedade no coñecemento do mar. Na ‘Corrente III’ falamos de enerxía eólica mariña e undimotriz así como a súa viabilidade no contexto galego co investigador Xurxo Costoya.
A crise climática actual é un feito innegable. O ritmo de consumo está esgotando pouco a pouco a vida do planeta. A cantidade de enerxía que se precisa para manter as sociedades non é pouca e o feito de que veña principalmente a partir de combustibles fósiles non é algo que axude precisamente a combater a situación de quecemento global. O desenvolvemento do potencial enerxético dos océanos vai xogar un papel moi importante na súa mitigación coa produción de enerxía limpa e podemos dicir que estamos de sorte, xa que Galicia é unha das rexións referentes en enerxías renovables precisamente por contar cun dos principais recursos eólicos mariños de Europa. De feito, xunto con Canarias, Galicia é a comunidade autónoma de España con maior potencial no que respecta a este sector.
Episodio realizado por Laura Veiga
Edición: Carlos Tresandí
Escóitao nas plataformas de pódcast: Spreaker, Spotify, Ivoox, iHeart, Deezer, Podcast Addict, JioSaavn e Podchaser.
