A Administración de Alimentos e Medicamentos dos Estados Unidos (FDA) aprobou o pasado luns un medicamento chamado baricitinib, o primeiro fármaco oral para tratar a alopecia areata severa, un trastorno autoinmune que afecta a máis de centos de miles de persoas cada ano.
A alopecia areata causa a perda temporal ou definitiva do cabelo, e pode afectar a calquera parte do corpo, o que moitas veces chega a provocar angustia emocional. Esta condición saíu á luz recentemente a través de persoas de certa influencia e popularidade como son a actriz de Hollywood Jada Pinkett Smith.
Dous ensaios clínicos exitosos
Baricitinib, fabricado pola compañía farmacéutica estadounidense Eli Lilly e coñecido polo nome comercial Olumiant, pertence a unha clase de medicamentos chamados inhibidores da quinasa Janus. O medicamento funciona ao interferir coa vía celular que conduce á inflamación.
A súa aprobación para o uso contra a alopecia areata baseouse nos resultados de dous ensaios clínicos controlados e aleatorios, nos que participaron un total de 1.200 adultos con alopecia grave. Cada ensaio dividiu os participantes en tres grupos: un grupo de placebo, outro que recibiu unha dose de 2 miligramos todos os días e un un que recibiu unha dose de 4 miligramos todos os días.
A case o 40% dos que tomaron a dose máis alta volveulles medrar o 80% do cabelo da cabeza
Despois de 36 semanas, a case o 40% dos que tomaron a dose máis alta volveulles medrar o 80 % do cabelo da cabeza, en comparación co redor do 23% do grupo da dose máis baixa e o 5% do grupo do placebo. Ao redor do 45% das persoas do grupo de doses máis altas tamén viron un crecemento significativo das cellas e as pestanas. Os efectos secundarios máis comúns incluíron infeccións do tracto respiratorio superior, dores de cabeza, acne, colesterol alto e aumento dun encima chamado creatina-fosfoquinasa.
Os tratamentos anteriores para a alopecia areata inclúen medicamentos tópicos ou orais, pero estes consideráronse experimentais e ningún chegou a ser aprobado. Baricitinib foi aprobado previamente para o tratamento da artrite reumatoide e, durante a pandemia de covid, a súa licenza estendeuse ao tratamento de pacientes hospitalizados con coronavirus.
*Unha versión deste artigo foi publicada en ScienceAlert. Podes ler o orixinal na seguinte ligazón.
