O río atmosférico e a profunda borrasca que levou o nome de Beatriz aliáronse a semana pasada para deixar a Galicia enchoupada. As precipitacións intensas e constantes que caeron desde o martes 4 ata este domingo 11 dan paso a unha semana marcada pola influencia do anticiclón, que deixará sol e calma, despois duns días de auténtico diluvio. E así o rexistraron as estacións de MeteoGalicia espalladas polo país.
No que vai de mes, unha decena de estacións superaron os 300 litros por metro cadrado. A maioría das precipitacións concentráronse entre os días 4 e 11. Así se pode ver neste gráfico do día do ‘diluvio’.
En lugares como Santiago, as precipitacións da semana pasada superaron as dos catro meses anteriores no seu conxunto, segundo informou a USC a partir dos datos do Observatorio Astronómico Ramón María Aller, que forma parte da rede da Aemet. E iso que Compostela non foi das localidades nas que máis choveu, aínda que caeron 246 litros/m2.
Os días 6 e 9 foron dos máis chuviosos dos últimos anos
E do mesmo xeito, as intensas precipitacións deixaron nalgúns lugares, en apenas un día, volumes de auga que se achegan ao conxunto dos meses anteriores. E en moitos casos, os días 6 e 9 deste mes foron dos máis chuviosos dos últimos anos. Estes foron os rexistros diarios máis altos, todos por riba dos 100 litros por metro cadrado:
