A empresa santiaguesa Imprenta 3D vén de presentar o prototipo de clítoris en tres dimensións. O responsable da empresa, o enxeñeiro Juan Callón, recibiu o encargo de Martina González, xerente do Centro de Sexoloxía “Con mucho gusto” , tamén de Santiago, para imprimir un modelo deste órgano, co fin de empregalo en actividades didácticas.
A reprodución do clítoris a tamaño real baséase nos traballos da investigadora francesa Odille Fillod, que coa axuda da artista Marie Docher desenvolveu un modelo deste órgano. En Francia xa se está valorando empregalo para dar clases de educación sexual.
Os modelos creados pola empresa galega xa foron presentados por Martina González nas Nerd Nites, celebradas hai dúas semanas en Santiago de Compostela.
CLITORIS 3D from Marie Docher on Vimeo.
