A misión de Hayabusa2 (Falcón Peregrino, en xaponés) é tan abraiante como complicada. A A Axencia de Exploración Espacial Xaponesa (JAXA) fica en vilo á espera de confirmar un dos momentos máis críticos da expedición que levou esta nave ata o asteroide Ryugu, despois de máis de catro anos de viaxe. Esta pasada noite, Hayabusa2 debía pousarse na superficie da rocha despois dunha longa e complicada manobra de achegamento. E unha vez se pousara, debía disparar un proxectil de tántalo de cinco gramos de peso a 300 metros por segundo, co obxectivo de tomar mostras de po e pedras, recollelas no seu interior e traelas de volta á Terra. Segundo os primeiros sinais da telemetría, parece que todo foi segundo o previsto, e a sonda despegouse de novo do asteroide para continuar a súa misión.
Everyone, we did it!!! #haya2_TD
Thank you so much for your support from all over the world! pic.twitter.com/cHkeTCBgcs
— HAYABUSA2@JAXA (@haya2e_jaxa) 22 de febrero de 2019
O proceso foi toda unha aventura. Despois de saír en decembro de 2014 dunha base xaponesa, Hayabusa2 viaxou durante tres anos e medio, acompasándose pouco a pouco coa traxectoria de Ryugu. Entre xuño e setembro de 2018 foi achegándose, e finalmente o día 22 de setembro conseguiu tomar pé no asteroide. Conseguiron que dous rovers puideran pousarse nun obxecto espacial deste tipo.
Porén, houbo cambios e dificultades respecto ao plan orixinal. En principio esperábase que Hayabusa2 tomara pé no asteroide en outubro do ano pasado, pero os investigadores da JAXA atoparon un problema. A superficie era moito máis agreste do que agardaban, sen apenas zonas chas que fosen seguras para o correcto funcionamento da nave.
Durante estes meses, a axencia xaponesa estivo estudando diferentes opcións para atopar o lugar máis acaído no que pousar a Hayabusa2. E antes de acometer a operación de disparar o proxectil, os investigadores fixeron probas na Terra para ver como podería comportarse nunha superficie semellante á de Ryugu.
The surface of Ryugu was not what we expected. So our sampler team had to conduct an experiment to check we could still gather material from the asteroid surface when we attempt #haya2_TD touchdown this Friday! https://t.co/bCzvW2gwSr pic.twitter.com/XxJXETKB6N
— HAYABUSA2@JAXA (@haya2e_jaxa) 18 de febrero de 2019
Non será a única detonación que Hayabusa2 provoque no asteroide. Entre abril e maio agárdase que unha carga explosiva máis potente provoque un cráter en Ryugu, e del tomaranse mostras de rocha que non estiveran expostas á erosión espacial.
E unha vez cumprido o obxectivo, a finais deste ano, espérase que a sonda poña rumbo cara a Terra. Unha vez cerca do planeta, a finais de 2020, liberará a cápsula coas mostras tomadas estas semanas, cuxa caída está prevista en Australia. A Hayagusa2 seguirá desprazándose polo espazo, xa que conservará enerxía suficiente para achegarse a outros corpos susceptibles de seren explorados.
