Luns 4 Marzo 2024

María José Alonso gaña o Premio Nacional de Investigación

A científica da USC, referencia internacional en nanomedicina, suma á súa carreira o premio máis importante de España

María José Alonso Fernández (Carrizo de la Ribera, León, 1959), catedrática da Universidade de Santiago de Compostela, acaba de engadir un recoñecemento á súa carreira científica co Premio Nacional de Investigación Juan de la Cierva, na área de Transferencia de Tecnoloxía, que concede o Ministerio de Ciencia e Innovación do Goberno de España.

Nunha nota difundida no serán do luns, o ministerio valora de Alonso, catedrática do Departamento de Farmacia e Tecnoloxía Farmacéutica da Universidade de Santiago de Compostela e xefa do grupo Nanobiofar do Centro Singular de Investigación en Medicina Molecular e Enfermidades Crónicas (CiMUS), “a excelencia da súa traxectoria científica no ámbito da nanomedicina, así como a súa importante contribución para a adecuada e equilibrada transferencia de tecnoloxía e coñecemento”.

Publicidade

María José Alonso graduouse en Farmacia pola Universidade de Santiago de Compostela en 1981 e obtivo o seu doutoramento en 1985. É catedrática de Farmacia e Tecnoloxía Farmacéutica na USC e dirixe o MJ Alonso Lab. En 2014, xunto a Alicia Estévez, foi a primeira muller en ingresar na Real Academia Galega de Ciencias despois de case 25 anos. Ao longo da súa traxectoria acumulou infinidade de méritos e recoñecementos de prestixiosas sociedades. Entre os últimos destacan, no ano 2018, a Medalla Castelao da Xunta de Galicia, e no ano 2020, a Medalla ao Mérito de Investigación do Goberno español. É unha das investigadoras máis citadas na súa especialidade.

Ademais de Alonso, foron galardoados Francisco José García Vidal (Ciencias Físicas, dos Materiais e da Terra); Hermenegildo García Gómez (Ciencia e Tecnoloxía Químicas); Montserrat Vilà Planella (Ciencias e Tecnoloxías dos Recursos Naturais); Luis Vega González (Matemáticas e TIC), Jesús Fernando San Miguel Izquierdo (Medicina); Purificación Muñoz Cánoves (Bioloxía), Aníbal Ollero Baturone (Enxeñaría), Jordi Galí Garreta (Dereito e Ciencias Económicas e Sociais); e Margarita Díaz-Andreu (Humanidades).

Creados en 1982, os Premios Nacionais de Investigación son o recoñecemento máis importante de España no eido da investigación científica. Teñen por obxectivo salientar o mérito das persoas que están a realizar un labor profesional destacado e de relevancia internacional nas súas áreas. Cada un deles ten unha contía de 30.000 euros, ata un total de 300.000 euros.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un proxecto galego impulsa a sustentabilidade do sistema alimentario a través da IA

O proxecto no que participan USC e UVigo acometerá a crise do sector co apoio do Programa Marco ‘Horizonte Europa’

As mulleres protagonizaron anuncios de banca antes de poder abrir libretas de aforro por si soas

Un estudo da USC analiza os roles femininos nas ilustracións e fotografías utilizadas na publicidade bancaria entre 1949 e 1970 en España

Yolanda Prezado: “Coa protonterapia erradicamos o 83% dos tumores en estudos preclínicos”

A científica galega referente en París incorpórase ao CiMUS para impulsar a investigación en Galicia da terapia con protóns

Gciencia celebra o Día da Lingua Materna cun relatorio sobre a divulgación en galego

A xornalista Laura Filloy abordou a importancia de trasladar o coñecemento científico á sociedade nun acto celebrado no Campus de Lugo da USC