Lanzan a “Guía dos elementos químicos” en galego

O Centro Ramón Piñeiro para a Investigación en Humanidades (CRPIH), por medio do Proxecto Terminoloxía Científico-Técnica en Lingua Galega (Termigal), acaba de editar a nova Guía dos elementos químicos. Historia, propiedades e aplicacións. Trátase dunha publicación divulgativa continuadora da obra O nome e o símbolo dos elementos químicos (2006), coa que se pretende dar a coñecer os elementos que conforman a táboa periódica.

A guía ofrece datos de interese para cada un dos elementos coñecidos desde unha perspectiva lúdica e didáctica, a fin de sorprender tanto aos lectores vinculados profesionalmente á química como a aqueles alleos a esta materia. A obra componse de 118 capítulos, un por cada elemento químico coñecido -desde o hidróxeno, co número atómico 1, ata o oganesson, co número 118-, cunha sección final dedicada os intentos levados a cabo para a sintetización do elemento 119.

Publicidade

A obra consta de 118 capítulos, un por cada elemento da táboa periódica

En cada capítulo inclúese información xeral do elemento (masa atómica, estado en condicións estándar, densidade e puntos de fusión e de ebulición), seguidos da historia do seu descubrimento, os nomes elixidos para a súa designación, a súa concentración na codia terrestre, os métodos empregados para a súa obtención, as súas propiedades e aplicacións e finalmente a súa importancia biolóxica. Cada un dos elementos acompáñase ademais de diversas imaxes relacionadas co texto, o que confire ao volume un maior atractivo para os lectores.

Este libro incorpora as denominacións aprobadas recentemente pola Unión Internacional de Química Pura e Aplicada (IUPAC) para os últimos elementos descubertos (nihonio, moscovio, ténnesso e oganesson), o que sen dúbida contribuirá a estandarizar a súa denominación no galego.

No acto de presentación participaron o secretario xeral de Política Lingüística, Valentín García, o coordinador científico do CRPIH e director de Termigal, Manuel González; e os autores da Guía, Manuel Rafael Bermejo Patiño, Ana María González Noya e Marcelino Maneiro Maneiro.

Na súa intervención, Valentín García sinalou “que se trata dunha importante achega ao eido científico-técnico, coa que quere avanzar un paso máis no proceso de galeguización deste ámbito de especialidade, así como apoiar ao profesorado, ao persoal investigador, ao alumnado e a cidadanía en xeral para desenvolver sempre a comunicación, o ensino e a aprendizaxe científica desde o galego”.

Porén, tal e como se pode tirar do Decreto do Plurilingüismo vixente no ensino, os alumnos galegos de Secundaria non poderán servirse da Guía, xa que a lei establece que a materia de Física e Química debe impartirse en castelán.

 

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

GCiencia abre o ciclo de faladoiros "Os mundos científicos de Vigo"

Os relatorios darán comezo o luns no edificio Redeiras cunha charla introdutoria que leva por título 'A divulgación científica en Galicia'

Un cento de persoas participan na Domus nun congreso científico para estudantes

Os catro gañadores do evento poderán gozar dunha estancia de dúas semanas xunto a grupos de investigación da UDC

O festival científico CinVigo encheu a Porta do Sol de ciencia e ilusión

Participaron máis de 220 alumnos de Secundaria, Bacharelato e FP que presentaron 58 proxectos na feira celebrada na cidade olívica

Os Prismas convocan unha categoría sobre océanos polo 25 aniversario do Aquarium

Os traballos deben presentarse antes do 3 de xuño. Os galardóns están impulsados polo Concello da Coruña e os Museos Científicos Coruñeses