Imaxe da feira de supercomputación SC17. Fonte: sc18.supercomputing.org.

Imaxe da feira de supercomputación SC17. Fonte: sc18.supercomputing.org.

A empresa galega Appentra, seleccionada na feira de supercomputación SC18

O novo produto da compañía, Parallelware Analyzer, participa na mostra de "Tecnoloxías Emerxente" na conferencia SC18 en Dallas (Estados Unidos)

Appentra Solutions, unha empresa spin-off nacida ao abeiro da Universidade da Coruña, foi seleccionada como unha das sete organizacións que participa na mostra de Tecnoloxías Emerxentes que ten lugar no SC18, o maior encontro mundial de computación de alto rendemento (HPC), que se celebra en Texas, nos Estados Unidos.

O SC18 reúne aos principais axentes mundiais do sector e, cada ano, o seu programa de Tecnoloxías Emerxentes expón solucións innovadoras para a industria, os gobernos, e os laboratorios de investigación científica e académica que poderían mellorar e espallar o traballo da HPC nos vindeiros lustros.

O produto que Appentra presenta na feira de supercomputación, o Parallelware Analyzer, foi seleccionado polo seu potencial para aumentar a velocidade dos procesos de paralelización de código. Isto é, o traballo simultáneo con diferentes linguaxes de programación, para facilitar e axilizar os procesos de supercomputación. Neste senso, o produto de Appentra deseñouse para responder ás necesidades dos programadores e axudalos a recoller información sobre o código fonte en diversos tipos de computación. Así, axúdase a reducir o tempo preciso para desenvolver estes procesos.

Este recoñecemento supón un novo pulo para Appentra, que xa participara na mesma feira en 2016 co seu primeiro produto, o Parallelware Trainer.

 

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.