Mércores 21 Febreiro 2024

A Xunta crea en Ferrol un nodo de supercomputación para a industria

A Consellería de Economía, Emprego e Industria, a través da Axencia Galega de Innovación (Gain), coa colaboración do Centro de Supercomputación de Galicia (Cesga), porá a disposición das empresas unha potente máquina de cómputo e unha carteira de servizos avanzados que lles facilitarán o almacenamento e xestión de enormes cantidades de datos, tarefas estreitamente ligadas ao funcionamento da fábrica intelixente e das demais utilidades da Industria 4.0.

O novo nodo de computación, que estará dispoñible a partir do vindeiro 1 de abril, ten como obxectivo facilitar servizos de simulación, modelización numérica e analise de grandes volumes de datos para axentes industriais en Galicia. O financiamento desta nova infraestrutura en Ferrol forma parte do paquete de investimentos por valor de 5,5 millóns de euros realizado pola Consellería de Economía, Emprego e Industria en 2015 para optimizar os equipamentos xestionados polo Cesga ao servizo da empresa galega.

Publicidade

O nodo de supercomputación de Ferrol está pensado para a Industria 4.0

A simulación e a modelización numérica, xunto coa análise de grandes volumes de datos (big data), son tecnoloxías clave para que empresas industriais como as do naval acaden o nivel 4.0 e só son posibles mediante o uso de infraestruturas de supercomputación. As vantaxes asociadas a elas son a mellora de produtos e procesos industriais, a optimización da calidade, o abaratamento de custos, a redución dos tempos de deseño e producción e a definición de estratexias de intelixencia competitiva baseadas na análise de grandes volumes de datos, todas elas imprescindibles para aumentar a competitividade no mercado global.

Ademais do naval, beneficiaranse do novo nodo de supercomputación empresas doutros sectores estratéxicos como a automoción e o transporte, o aeroespacial, a electrónica, o equipamento industrial e maquinaría pesada, a enerxía e eficiencia enerxética, así como industrias tradicionais como a da transformación da madeira, a construcción e arquitectura, os artigos de gran consumo, a industria alimentaria, os servizos de enxeñaría, a saúde e a biotecnoloxía ou mesmo as industrias creativas, como o deseño de videoxogos e a produción audiovisual dixital.

Nos últimos anos, máis de 60 empresas de múltiples sectores beneficiaronse do uso de recursos avanzados do Cesga, que colaborou no desenvolvemento de proxectos de innovación baseados en cómputo avanzado de altas prestacións con máis de 35 empresas a través de proxectos europeos tales como CloudPYME, Fortissimo ou SesameNet.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Buscan nun cemiterio de Narón unha das maiores fosas creadas polos golpistas en Galicia

O 26 de decembro de 1936 levouse a cabo unha das máis grandes execucións masivas das que hai constancia en terras galegas, na que foron asasinadas un total de 34 persoas

Que é e como funciona o novo computador cuántico de Galicia?

A máquina máis grande e potente de España e do sur de Europa inaugurouse esta mañá no Centro de Supercomputación de Galicia

Aparece en Ferrol unha balea xibarte morta de case 10 metros

É o primeiro cetáceo desta especie que vara en Galicia dende 2011, e puido morrer ao quedar engachado en aparellos de pesca

CESGA e Fujitsu crean un centro en Galicia para desenvolver e impulsar a tecnoloxía cuántica

O obxectivo é promover a investigación neste campo e atraer investimento para abordar os retos que afronta a sociedade actual