Confirman a existencia de ‘géyseres’ en Europa, unha das lúas de Xúpiter

Géyseres como os de Islandia, pero nunha lúa de Xúpiter. A NASA confirmou esta semana a existencia de chorros de auga que emanan da superficie de Europa, un dos satélites do maior planeta do Sistema Solar, e descuberta por Galileo Galilei. Os resultados da revisión dos datos recollidos pola sonda que levaba o nome do astrónomo renacentista, que se achegou á lúa Europa por última vez en 1997, reafirman a evidencia destes géyseres.

Desde hai anos, Europa, cuberta por unha capa de xeo baixo a que se cre que existe un océano de auga salgada, é un dos astros con máis probabilidades de ser apto para a vida, segundo as pescudas dos científicos. Deste xeito, tanto a NASA como a Axencia Espacial Europa proxectan futuras expedicións para coñecela mellor. No pasado, o telescopio Hubble xa observara a posibilidade da presenza destes géyseres en Xúpiter e Encélado, un dos satélites de Saturno. E os datos de Galileo insinuaban que algo semellante podía acontecer en Europa, así que afondaron naquela información.

Publicidade

Os datos incrementan as expectativas sobre as futuras misións a esta lúa, que podería albergar vida

A sonda detectara cos seus sensores magnéticos e de plasma unhas alteracións que se correspondían cun veo de auga expulsado desde a codia. A análise desta información, publicada este luns na revista Nature Astronomy, indica que existe unha zona de Europa, duns 1.000 quilómetros de lonxitude, que podería albergar este tipo de actividade, aínda que non se puido determinar se era unha ou varias as plumas de auga que emerxen da superficie.

A publicación destes novos resultados incrementa as expectativas das futuras misións a Europa. En 2022 está previsto o lanzamento das sondas Juice (JUpiter ICy moons Explorer), da Axencia Espacial Europea, e Europa Clipper, da NASA. Coa presenza destes géyseres, a exploración dos océanos da lúa será bastante máis sinxela.

Publicidade

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Zendal subministrou 42 millóns de vacinas contra a lingua azul en Europa en 2024

A enfermidade xera perdas económicas directas derivadas da mortalidade en ovinos, así como diminucións na produción de leite e carne

Como fomenta Galicia o emprendemento rural a través dun proxecto europeo

Feuga formou parte da iniciativa que reuniu a 158 grupos de interese de España, Países Baixos, Malta e Turquía

Un programa da Comisión Europea selecciona un proxecto galego para a creación de chips

O atlanTTic acollerá unha planta experimental para deseñar novas técnicas de encapsulado que se poidan implementar na industria

Por que os dinosauros dominaron a Terra? O segredo está nos seus vómitos e feces

Investigadores europeos reconstruíron, a través de restos fosilizados, como foi o auxe destas criaturas nos ecosistemas prehistóricos