Na Zona Franca de Vigo, un grupo de profesionais do sector aeroespacial traballa desde hai cinco anos ofrecendo servizos a organizacións internacionais e empresas privadas que precisan do espazo para levar a cabo as súas iniciativas. Rachar cos tempos nos que só orzamentos multimillonarios conseguían este obxectivo, foi a idea coa que naceu Alén Space. A empresa foi creada por estudantes da Universidade de Vigo que participaron na construción de XaTcobeo, o primeiro nanosatélite español lanzado ao espazo en 2013.
Visitamos as súas instalacións para falar con algúns dos seus membros e coñecer de preto como se prepara a revolución do chamado Novo Espazo, un innovador concepto no que “máis económico e máis rápido” son as palabras de orde.
Publicidade
