Antiga aldea de Sálvora, unha pegada do pasado mariñeiro

A reforma das construcións responde probablemente á realizada en 1962, despois de que a familia Otero recuperase a propiedade da illa

Chegamos a aldea de Sálvora, un dos lugares máis emblemáticos da illa. Nela, as casas aparecen agrupadas en torno a un espazo central que era destinado a usos comunitarios, como a recollida de millo, centeo ou patacas, e onde tamén existía un espazo para o gando e outras dependencias para apeiros agrícolas. As vivendas, hoxe en estado ruinoso, son moi sinxelas, sendo todas elas dunha planta e de pequeno tamaño. A súa distribución é característica das vilas mariñeiras, nas que se compartían os muros para abaratar custos.

A hostilidade do medio e a falta de recursos fixo que nalgunhas delas convivisen varias xeracións. Os habitantes da aldea practicaban unha vida baseada na agricultura e na pesca de autoconsumo, o que lles permitiu manter unha economía de subsistencia. Por aquel entón, a supervivencia, tanto no mar, coma na terra, dependía da axuda dos veciños, cos que se compartían embarcacións e apeiros de labranza. Aínda que a educación por aquela altura non era unha prioridade, e na illa non había escola, cóntase que os fareiros foron bos mestres, contribuíndo á educación dos máis novos.

Publicidade

A aldea de Sálvora, localizada na marxe norte, responde probablemen­te á reforma realizada en 1962, des­pois de que a familia Otero recupera­se a propiedade da illa. O tamaño e disposición das casas é característico das vilas mariñeiras.

Os hórreos de Sálvora

Os hórreos de Sálvora.

Nas proximidades da aldea atopamos os famosos hórreos. Estas edificacións de pedra teñen unha cámara de almacenamento, con ocos verticais nos laterais, para que o aire circule.

Están separadas do chan por columnas, ou muros, para illar a cámara da humidade do terreo.

Ademais, na parte superior desta base hai unha proxección denominada tornarratos, coa finalidade de impedir o ascenso dos roedores.

O feito de velos nun mesmo espazo é porque se empregaban de forma comunitaria para almacenar o millo e outros cereais antes de moer.

Descarga aquí a vixésima terceira entrega desta guía.

Publicidade

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Os embrións das aves escoitan as conversacións dos seus pais dende o ovo

Un estudo da Universidade de Vigo estudou 44 familias de gaivota patiamarela da illa de Sálvara para atopar diferenzas durante a incubación

Tiburón a vista de dron: un achado inesperado nas illas Cíes

Investigadores da Universidade de Valencia captaron en agosto as imaxes dunha quenlla que nadaba nas augas costeiras do parque nacional

Antigo cuartel da garda de asalto, testemuña dos bosques autóctonos de Galicia

A vexetación exuberante que rodea ás ruínas é un dos rasgos máis característicos das illas que conforman o arquipélago de Cortegada

Faro de Sálvora, o gardián que non descansa

Situado no sur da illa, no lugar coñecido como Punta de Besugueiros, orixinalmente foi pensado como unha pequena luz local no ano 1847