Mércores 21 Febreiro 2024

Un novo vídeo de Divulgare sobre a polinización

O premiado grupo da Universidade de Vigo presenta un audiovisual sobre os cambios fenotípicos nalgunhas plantas para atraer aos polinizadores

Plantas que se adaptan para favorecer a súa polinización por insectos. É o tema do novo vídeo do premiado grupo ‘Divulgare’ da Universidade de Vigo, que acumula galardóns polos seus audiovisuais de divulgación científica, sempre asociados a estudos publicados en revistas de impacto.

Neste novo vídeo explican a plasticidade fenotípica como resultado de mecanismos presentes en moitos organismos por medio dos cales un mesmo xenotipo pode producir diferentes fenotipos cando se expón a diferentes ambientes. Coas mesmas instrucións xenéticas, os resultados poden ser distintos.

Publicidade

Neste vídeo Divulgare amosa como a plasticidade individual dentro das flores de Moricandia arvensis (Brassicaceae) permite a esta especie modificar o seu nicho de polinización. Durante a primavera, esta planta produce flores lilas grandes, en forma de cruz, que reflicten os raios UV e atraen principalmente abellas grandes de lingua longa.

Con todo, a diferenza da maioría das especies coexistentes, M. arvensis mantén a floración durante o verán seco e caloroso debido á súa plasticidade en trazos vexetativos clave relacionados co metabolismo fotosintético. Os cambios que se producen no verán na temperatura e o fotoperíodo desencadean cambios na expresión xénica e a planta comeza a producir flores brancas pequenas, arredondadas e que absorben os raios UV. Estas “novas flores de verán” son visitadas por un conxunto de polinizadores diferentes aos que visitan esta planta na primavera.

O artigo asociado foi publicado en Nature Communications

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

As cinzas dos lumes de 2017 poden causar alteracións no plancto costeiro da Vigo

O estudo realizado por investigadores do CIM da Universidade de Vigo centra a súa investigación na escorredura posterior ás queimas

Os bioplásticos e polímeros sintéticos teñen realmente capacidade de biodegradación?

O proxecto Polbio nace para determinar se este proceso pode ter algún efecto tóxico en ambientes terrestres e acuáticos

Un método estatístico permite detectar por primeira vez que liñaxes celulares evolucionan máis rápido

O estudo, no que colabora a Universidade de Vigo, axudaría a identificar mutacións con incidencia en enfermidades como o cancro

“O ingreso de mulleres nas carreiras de enxeñería está en declive”

Soledad Torres Guijarro, profesora na UVigo, investiga na actualidade a contaminación acústica nos ecosistemas submarinos e como reducila