Así son os pirosomas, unhas abraiantes estruturas submarinas

É un fenómeno tan estraño e abraiante que foi bautizado como “o unicornio do mar“. Pero é real. Aparece descrito en manuais de zooloxía desde, polo menos, o século XIX. E non é unha criatura, senón centos ou miles delas unidas. Os pirosomas (levan o prefixo ‘piro-‘ pola particular luz que chegan a desprender ás veces) son enormes colonias de organismos minúsculos que se asocian ata formar estruturas con aparencia de verme que poden acadar máis de 10 metros de lonxitude. Ao asociarse, é máis sinxelo captar alimento en suspensión na auga e moverse a mercé das correntes.

Estes días, os pirosomas correron polas redes sociais despois da difusión dun vídeo no que uns buceadores que se mergullaron en augas de Nova Celandia atoparan unha estrutura esponxosa e de cor rosada. Quen a viu de preto e a puido tocar di que é “como unha esponxa ou unha boa de plumas exquisitamente suave”.

Publicidade

Os pirosomas e a guerra de Vietnam

Arredor dos pirosomas hai lendas e mesmo teorías ben curiosas. Unha delas propón que foron os causantes indirectos da entrada dos Estados Unidos na Guerra de Vietnam. Durante o célebre incidente de Tonkin – un suposto ataque nunca demostrado por parte de Vietnam do Norte que acelerou a intervención ianqui – contra militares estadounidenses, os radares americanos detectaron unhas anómalas sinais que parecían ser torpedos, pero que en ningún caso chegaron a impactar cos buques. Segundo recollía The Atlantic o ano pasado, o biólogo mariño Todd Newberry propuxo que estas formacións eran en realidade colonias de pirosomas.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

O cambio climático adiantará ata dous meses a tempada de risco de incendios na península

Unha investigación baseada en IA prevé que as condicións meteorolóxicas favorables á propagación do lume sexan cada vez máis frecuentes

O mundo micolóxico do Val do Ulla: máis de 660 especies e achados de interese científico

Un proxecto impulsado por AMABUL en colaboración coa Deputación da Coruña identifica máis dunha decena de posibles primeiras citas para Galicia e unha para España

O auxe do enoturismo en Galicia: unha tradición milenaria que cada vez atrae máis visitantes

A Ruta do Viño das Rías Baixas e as cinco Denominacións de Orixe do territorio confirman o interese crecente pola identidade vitivinícola galega

Un equipo da USC e da UVigo crea unha maqueta virtual interactiva para imaxinar o futuro de Galicia

O proxecto do CISPAC crea unha paisaxe alternativa vertebrada en catro eixos temáticos: a comunidade, o hábitat, a enerxía e a alimentación