O Consello Superior de Investigacións Científicas (CSIC) é o maior organismo de investigación en España. E ao longo de case oito décadas de historia ten publicado milleiros de libros sobre materias científicas e sociais. Agora, o CSIC decidiu poñer centos deses libros en formato dixital para a súa descarga gratuíta a través da súa web.
Nesta sección do catálogo podémonos atopar libros de materias moi diversas: divulgación científica, literatura e crítica literaria, ciencias da vida, arqueoloxía e prehistoria, historia da ciencia ou filosofía e relixión.
Ao facer click en cada libro poderemos coñecer os seus autores, o ano de publicación, idioma no que está escrito, a materia, un breve resumo e a posibilidade de descargar o índice. Na parte inferior dereita atoparemos o arquivo coa obra en cuestión.
Como vantaxe engadida, non é preciso rexistrarse. Ademais é posible a busca por palabras clave. Sobre Galicia, por exemplo, hai un total de 32 libros dispoñibles.
Aquí podes acceder ao portal para descargar os libros do CSIC
Trabajando por la cultura y dignidad del hombre.
Achegar e divulgar as letras e as ciencias ao individuo significa dignificar a sociedade e darlle mais oportunidades de mellorar e superarse.
ME INTERESA ACTULISARME