A NASA divulgou na súa canle oficial de Youtube un vídeo de Marte en 360º. Segundo un comunicado da axencia espacial estadounidense, o vídeo amosa parte da Cordilleira Vera Rubin cos ceos do planeta vermello envoltos en po. O compartimento do robot Curiosity tamén foi alcanzado cunha fina capa de po.
Para ver en 360 graos abonda con pulsar sobre a propia imaxe e ‘navegar’ sobre ela.
En primeiro plano pódese observar o máis recente obxectivo de perforación do Curiosity: “Stoer”, en alusión a unha cidade de Escocia. A axencia especial norteamericana fixera dous intentos anteriores de perforación que resultaron frustrados. Os científicos pretenden estudar a dureza destes minerais, para determinar que fai que ese lugar sexa tan resistente a erosión. Para iso, están previstas dúas perforacións máis para este setembro de 2018.
