O Observatorio Astronómico Ramón María Aller da USC, por medio do seu director, José Ángel Docobo, difundiu as imaxes do meteoro que foi avistado este martes 12 de febreiro desde varias partes de Galicia. Foi sobre as 20.49 horas do serán cando un obxecto luminoso foi observado desde distintos puntos de Galicia, Asturias, Cantabria e Castilla y León. Así o confirma Docobo, engadindo que desde Santiago viuse en dirección noreste e “en claro sentido descendente”.
📽️VÍDEO☄️ Así se viu o bólido que pasou onte sobre #Galicia. Podes velo no centro da imaxe, a partir do segundo 0:04. Imaxes tomadas en #Santander, que foron facilitadas ao observatorio Ramón María Aller da @UniversidadeUSC. Máis info 🔽https://t.co/nz5lIN70g5 pic.twitter.com/7BjLzaMzZq
— GCiencia (@GC_GCiencia) 13 de febrero de 2019
“Descartada unha reentrada dun cohete ou satélite artificial, todo indica que se tratou dun bólido, é dicir, a entrada na nosa atmosfera dun meteoroide (pedra cósmica)”, explica o catedrático.
Ao estudar as numerosas testemuñas do suceso, que foi visto en Galicia desde lugares como Viveiro, A Coruña, Corcubión, Verín ou Catoira, “pode dicirse que o traxecto final do bólido tivo lugar por riba do Mar Cantábrico, estimándose o punto final a uns 150 Km da costa asturiana”.
Unha vez analizadas as distintas testemuñas recibidas ou ás que se puido ter acceso, “pode dicirse que o traxecto final do bólido tivo lugar por riba do Mar Cantábrico, estimándose o punto final a uns 150 quilómetros da costa asturiana”.
As imaxes foron gravadas en Santander por Fran Bedía.
