Venres 29 Marzo 2024

Confirman o paso dun bólido sobre Galicia na noite do martes

O director do Observatorio Astronómico expón que o bólido foi avistado tamén desde Santiago pouco antes das 21 horas cara ao noroeste

Minutos antes das 21 horas deste martes 12 de febreiro, numerosas testemuñas declararon a través das redes sociais ter visto un meteoro a atravesar o ceo de Galicia. Desde Viveiro, A Coruña, Corcubión, Verín ou Catoira, e tamén desde outros puntos do norte da Península, como Torrelavega, Gijón ou León. Entre eles, Manuel Vicente, director do programa Efervesciencia da Radio Galega.

O director do Observatorio Astronómico Ramón María Aller da USC, José Ángel Docobo, confirmou o paso do meteoro. “Aquí en Santiago tamén se viu cara ao noreste, en clara baixada. Ten toda a pinta de que toda a traxectoria do bólido foi xa sobre o Mar Cantábrico“, de aí se deduce o avistamento desde toda a franxa norte da península.

Publicidade

Nos últimos meses foron varios os bólidos localizados polo observatorio. Na tardiña do 30 de novembro, varias persoas fixéronse tamén eco do paso dun meteoro no noroeste da Península, aínda que as nubes impediron a súa detección desde moitos puntos de Galicia.

Neses días, o Observatorio da USC deu a coñecer a gravación doutro meteoro localizado o xoves 25 de outubro polas cámaras que o organismo ten en Santiago de Compostela. José Ángel Docobo expuxo que o obxecto pasou ao leste de Galicia, posiblemente polo norte de Castilla y León, desde o sur cara ao norte. As cámaras rexistraron o seu paso ás 19.03 do día 25.

Confirman o paso de dous bólidos sobre Galicia

 

 

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra

O mapa dos ‘químicos eternos’ en Galicia: ata 70 zonas sospeitosas de grave contaminación

Unha investigación europea sinala a presenza no continente destas substancias nocivas para o medioambiente e a saúde

Identificado un novo campamento romano na fronteira entre Galicia e Portugal

Un equipo de arqueólogos detecta un posible recinto fortificado de tres hectáreas de extensión datado entre os séculos I a.C. e I d.C.