Unha tormenta solar provoca espectaculares auroras rosas en Noruega

O fenómeno abriu un burato no campo magnético da Terra e as partículas penetraron na atmosfera a máis profunidade do normal

Unha explosión de cor inundou o ceo de Noruega a comezos de novembro, ao tinguirse cunhas inusuais auroras boreais rosas. Unha tormenta solar foi a responsable do fenómeno, ao abrir un burato no campo magnético da terra. A greta permitiu que as partículas solares de alta enerxía penetraran na atmosfera a máis profundidade do normal, o que derivou nestas curiosas luces de cores. O espectáculo púidose ver o 3 de novembro sobre as 18.00 horas e tan só duraron dous minutos.

Máis polo miúdo, as auroras fórmanse cando as correntes de partículas cargadas de alta enerxía, coñecidas como vento solar, pasan arredor da magnetosfera. O campo magnético do planeta protéxenos da radiación cósmica, pero o escudo é máis débil nos polos, o que permite que o vento solar atravese a atmosfera, xeralmente entre 100 e 300 quilómetros sobre a superficie da Terra. A medida que as partículas solares atravesan a atmosfera, sobrequentan os gases, que logo brillan intensamente no ceo nocturno.

Publicidade

  • Outra vista das auroras rosas en Noruega. Crédito: Markus Varik/Greenlander
  • Tamén se puideron ver intensas auroras boreais verdes. Crédito: Markus Varik/Greenlander

A cor máis habitual das auroras boreais é o verde porque os átomos de osíxeno que abundan na parte da atmosfera á que normalmente chega o vento solar emiten esa cor. Porén, durante a tormenta producida a principios de novembro, a greta da magnetosfera da Terra permitiu que o vento penetrara máis abaixo do habitual, onde o nitróxeno é o gas más abundante. O resultado: unhas intensas e espectaculares auroras boreais rosas. O fenómeno tamén xerou fortes auroras verdes durante a noite.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

As auroras boreais veranse en Galicia nos vindeiros meses

Rexistráronse tres episodios en apenas sete meses, mais as condicións atmosféricas impediron gozar do espectáculo

As catro veces que o fenómeno se puido ver en Galicia nos últimos cen anos

A primeira do século aconteceu o pasado domingo, pero os ceos cubertos polo paso dunha borrasca atlántica impediron a súa visualización
00:01:03

Así se viu a aurora boreal dende Almería

Unha das cámaras do Observatorio de Calar Alto gravou un vídeo 'timelapse' do histórico fenómeno

Unha aurora boreal en Galicia: a actividade solar iluminou o ceo do domingo

As nubes impediron desfrutar do espectacular fenómeno, que se puido observar dende zonas como Extremadura e Andalucía