Tsuchinshan-ATLAS (C/2023 A3), máis coñecido como o cometa do século, deixouse ver nestas xornadas de outubro dende os ceos de Galicia. Descuberto en xaneiro de 2023 dende o Observatorio Tsuchinshan, e de aí o nome, foi visible a simple vista por primeira vez a finais de setembro, e a súa presenza durou ata a pasada fin de semana, facendo coincidir o seu paso coa chegada a Galicia das auroras boreais froito dunha potente tormenta solar. Agora, o cometa cambia a súa órbita, afastándose da terra, e deixará de ser visible para nós. Con todo, deixou un regueiro de imaxes en todo o territorio galego, como a que captou José Lorenzo Valdivia dende Cambados, coa torre de San Sadurniño e o cometa de fondo.
O tempo acompañou na meirande parte das ocasións, con ceos pouco nubrados e unhas temperaturas moi agradables para esta época do ano. A principal clave para atopalo foi mirar cara o planeta Venus, xa que a súa traxectoria coincidía. Non foi preciso empregar ningún instrumento, máis aló da vista, xa que C/2023 A3 é o cometa máis brillante nos últimos 100 anos: máis, incluso, que moitas estrelas no ceo nocturno.
Agora toca decir adeus ao cometa do século, que non voltará a achegarse ao noso planeta ata dentro de 80.000 anos.
