Unha rara especie de cetáceo vara na ría de Vigo

A CEMMA recolle mostras para analizar un exemplar de 'Kogia breviceps', un animal que non adoita frecuentar as augas galegas

Un exemplar xuvenil de cachalote pigmeo (Kogia breviceps) apareceu varado morto na ría de Vigo, o primeiro desta rara especie de cetáceo no que vai de ano. Segundo fontes da Coordinadora para o Estudo dos Mamíferos Mariños (CEMMA), tratábase dun macho de dous metros que entrou vivo ata a enseada de San Simón. O lugar onde quedou varado caracterízase pola escasa visibilidade. Grazas á chamada dun home que paseaba pola zona, os servizos puideron achegarse para asegurar o estado do individuo.

A Kogia breviceps é unha especie oceánica asociada á corrente do Golfo, polo que a súa chegada a augas galegas é un feito inusual. Adoita vivir en augas profundas e non achegarse á costa. No lugar do achado recolléronse mostras deste raro exemplar coa fin de seguir coñecendo a especie.

Publicidade

1 comentario

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

As candorcas volven a Galicia e non se sabe o porqué: “Deberían chegar a finais do verán”

Os expertos detectan un cambio no comportamento destes cetáceos, que en primavera adoitan concentrarse no Estreito de Xibraltar
00:00:22

Ibai, Luceira e Lula: as tres tartarugas que vararan en Galicia volven ao mar

Despois de pasar por un centro de recuperación e expulsar todos os plásticos do tracto dixestivo poden regresar ao océano

“As toxicidades atraídas polos ‘pellets’ son unha ameaza para os animais mariños”

Dende a Cemma apuntan que o máis preocupante é o risco de afección que sofren os mamíferos acuáticos
00:00:25

Un lobo mariño na Coruña: "A chegada dunha femia adulta ás costas é inusual"

A Cemma segue a ruta deste exemplar dende o 30 de decembro, cando foi avistada en Burela