Que pasa coa auga da chuvia cando chega ao mar? Así inflúen os ventos

O investigador do Instituto Español de Oceanografía de Vigo Pablo Otero explica a repercusión das intensas precipitacións de comezos de ano

O 2022 rematou pasado por auga. As intensas chuvias de decembro asolagaron Galicia, pero… Que acontece cando os ríos arrastran toda esta auga ata chegar ao mar? O investigador do Instituto Español de Oceanografía (IEO) de Vigo Pablo Otero fai uso das imaxes de satélite para explicar este fenómeno na súa canle de Twitter. Segundo escribe, o 2 de xaneiro o caudal era moi alto e predominaba o vento do este, polo que se ve perfectamente como a pluma do río Miño cobre case toda a plataforma.

Non é de estrañar, tendo en conta o moito que tamén choveu nas primeiras semanas de xaneiro. Segundo os datos de Meteogalicia, ata un 226% máis nalgunhas zonas, tomando como período de referencia o 1981-2010. Tal e como continúa explicando Otero, a pluma vaise modificando segundo o vento. De feito, o 22 de xaneiro esténdese cara ao suroeste empuxada por ventos predominantes do noroeste. Xa o 27, o do noreste confina a pluma cara a costa e, ao mesmo tempo, desprázaa cara ao sur. “As plumas responden á variabilidade do vento e, ademais, fano en cuestión de horas”, explica o investigador, botando man das imaxes de Sentinel-2.

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Achada unha nova especie de esponxa na Ría de Arousa

O Instituto Español de Oceanografía e o Grupo de Estudo do Medio Mariño de Riveira publicaron o descubrimento

Un tren de borrascas regará Galicia durante toda a semana

As precipitacións de principios de abril virán acompañadas dun importante ascenso térmico a partir do mércores

A primavera comeza este mércores despois do cuarto inverno máis chuvioso do século XXI

Neste mes será posible observar con prismáticos o cometa 12P/Pons-Brooks, segundo o coordinador de investigación do Observatorio Astronómico da USC, José Ángel Docobo

Crean en Vigo un mapa de biodiversidade costeira a partir de 11.000 chíos

A análise da información recompilada na rede X permite, cun baixo custo, complementar os programas existentes de vixilancia