Chegan as primeiras imaxes de Utopia Planitia tomadas polo rover chinés Zhurong no planeta Marte. O robot foi levado á atmosfera marciana nun módulo de aterraxe este sábado, na primeira aterraxe exitosa dunha sonda en calquera país na súa primeira misión a Marte. Zhurong, que leva o nome dun mítico deus do lume chinés, chegou uns meses despois da última sonda de Estados Unidos a Marte, Perseverance, e foi celebrado en China como un fito no seu ascenso ao estado de superpotencia espacial.
Tianwen-1, o orbitador a bordo do cal viaxou Zhurong, serve de ligazón de comunicacións entre o rover e a Terra para enviar as imaxes. Actualmente, o vehículo atópase dentro do módulo de aterraxe que o protexeu mentres caía cara á superficie de Marte, reducindo a velocidade coa axuda dun paracaídas e varios propulsores. A plataforma xa estendeu unha rampla, pola que Zhurong baixará nos vindeiros días. As fotografías amosanun terreo libre de grandes rochas, que non debería supoñer un gran reto para o robot.
We have a Hi-Res visual! This is #Zhurong (#Tianwen1) Mars Rover reporting to Earthlings! I’m currently at 109.9E, 25.1N, Utopia Planitia, Mars. All look good! Preparing for the final deployment and scientific missions. Water/Ice under Mars 100m-deep surface? About to find out! pic.twitter.com/xkh39C2y3n
— Chinese Zhurong Mars Rover (@MarsZhurong) May 19, 2021
O rover chinés, duns 240 quilos de peso e case dous metros de altura, aseméllase moito aos da NASA en Marte, aínda que as súas capacidades científicas non son tan ambiciosas. Concibido sobre todo como unha demostración tecnolóxica, durante a súa vida útil de 90 días realizará distintas análises xeolóxicas da contorna marciana coa axuda dos seus instrumentos: cámaras, un radar de penetración terrestre, un detector de campo magnético, unha estación meteorolóxica moito máis sinxela que a española MEDA -a bordo do rover Perseverance da NASA- e un instrumento para medir a composición química do po e as rochas. Todos os datos que obteña servirán á axencia chinesa para preparar futuras misións máis ambiciosas a Marte.
Quick GIF of separation of rover-lander stack from orbiter (1/2) pic.twitter.com/doQvu8u8dx
— Chinese Zhurong Mars Rover (@MarsZhurong) May 19, 2021
“Xente da internet, as imaxes de Marte que tanto anhelaban están aquí”, dixo a axencia espacial nunha publicación nas redes sociais que contén as imaxes.
