Xoves 28 Marzo 2024

Primeiras imaxes dende Marte do rover chinés Zhurong

O robot xa está en Utopia Planitia, unha chaira sen rochas pola que se moverá durante cando menos 90 días

Chegan as primeiras imaxes de Utopia Planitia tomadas polo rover chinés Zhurong no planeta Marte. O robot foi levado á atmosfera marciana nun módulo de aterraxe este sábado, na primeira aterraxe exitosa dunha sonda en calquera país na súa primeira misión a Marte. Zhurong, que leva o nome dun mítico deus do lume chinés, chegou uns meses despois da última sonda de Estados Unidos a Marte, Perseverance, e foi celebrado en China como un fito no seu ascenso ao estado de superpotencia espacial.

O aterrador no que viaxou Zhurong ata a superficie do planeta vermello.

Tianwen-1, o orbitador a bordo do cal viaxou Zhurong, serve de ligazón de comunicacións entre o rover e a Terra para enviar as imaxes. Actualmente, o vehículo atópase dentro do módulo de aterraxe que o protexeu mentres caía cara á superficie de Marte, reducindo a velocidade coa axuda dun paracaídas e varios propulsores. A plataforma xa estendeu unha rampla, pola que Zhurong baixará nos vindeiros días. As fotografías amosanun terreo libre de grandes rochas, que non debería supoñer un gran reto para o robot.

Publicidade

O rover chinés, duns 240 quilos de peso e case dous metros de altura, aseméllase moito aos da NASA en Marte, aínda que as súas capacidades científicas non son tan ambiciosas. Concibido sobre todo como unha demostración tecnolóxica, durante a súa vida útil de 90 días realizará distintas análises xeolóxicas da contorna marciana coa axuda dos seus instrumentos: cámaras, un radar de penetración terrestre, un detector de campo magnético, unha estación meteorolóxica moito máis sinxela que a española MEDA -a bordo do rover Perseverance da NASA- e un instrumento para medir a composición química do po e as rochas. Todos os datos que obteña servirán á axencia chinesa para preparar futuras misións máis ambiciosas a Marte.

“Xente da internet, as imaxes de Marte que tanto anhelaban están aquí”, dixo a axencia espacial nunha publicación nas redes sociais que contén as imaxes.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un equipo da UVigo demostra a viabilidade de ir a Marte con propulsión solar

Investigadores do campus de Ourense presentan o deseño preliminar dun satélite e proban a superiorade deste novo sistema

Unha paisaxe invernal en Marte? Esta imaxe demostra que non todo é o que parece

A misión espacial Mars Express ofrece unha espectacular fotografía do cráter Korolev para conmemorar os quince anos en órbita no planeta vermello

Marcos Martinón, un galego entre guerreiros de terracota: “É incrible, pero non hai dous soldados iguais”

O arqueólogo ourensán investiga dende hai case 20 anos o espectacular mausoleo do primeiro emperador chinés, un xacemento con 2.000 anos de antigüidade

Así é ‘Mycoplasma’, a principal sospeitosa da pneumonía infantil en China

O microbiólogo Raúl Rivas fai un retrato robot da bacteria que probablemente contribuíu a disparar a incidencia de enfermidades respiratorias no xigante asiático