A nova xeración de incendios forestais, impulsados polo cambio climático, que leva anos sufrindo o estado de California, nos Estados Unidos, está a impactar de novo nos últimos días. As lapas avanzan pola costa oeste, tamén nos estados de Washington e Oregón, e están deixando impactantes imaxes, con cidades como San Francisco ou San José cubertas por un ton avermellado que mestura a luz do Sol co fume dos incendios.
Este novo tipo de fenómenos, dos que os científicos levan tempo advertindo, avanzan a gran velocidade por mor das altas temperaturas, o vento e a seca. Así, nestes últimos días a axencia meteorolóxica NOAA expuxo que o verán de 2020 volveu bater rexistros de altas temperaturas nos Estados Unidos, especialmente na metade oeste, con récords en Arizona, California, Colorado, Nevada, Novo Mexico e Utah. As condicións que se crean poden ser letais, como o chamado Camp Fire que tivo lugar en 2018 e arrasou a vila de Paradise, causando 85 mortes. Crese que un episodio semellante foi o causante da traxedia de Pedrógrao Grande, en xuño de 2017 en Portugal, onde 65 persoas faleceron atrapadas.
Así serán os incendios do futuro en Galicia: máis rápidos, máis grandes e moi perigosos
Estes incendios de grandes magnitudes poden xerar a chegar tormentas de lume, creando as súas propias dinámicas de vento locais que fan moito máis voraz o fogo. E mesmo poden chegar a causar os coñecidos como pirocúmulos ou Cumulonimbus flammagenitus, nubes que poden ascender ata máis de 10km de altura, como rexistraron estes días algúns pasaxeiros de avións.
Today I was flying from San Jose to Las Vegas on SWA & I looked out my window & I saw this cloud. I l found out that it is a cumulonimbus flammagenitus cloud aka pyrocumulonimbus cloud, a type of cloud that forms above a source of heat, such as a wildfire #CreekFire pic.twitter.com/HCqyWiHpNx
— Thalia Dockery (@SweetBrown_Shug) September 6, 2020
Algunhas das secuencias tomadas polas persoas que viven na área afectada polos incendios e o fume son desacougantes. Unha das máis compartidas é a dun dron que percorre o ceo entre os edificios de San Francisco coa banda sonora do filme de ciencia ficción Blade Runner 2049:
E houbo, de feito, quen expuxo as grandes semellanzas entre a fotografía da secuela da célebre película protagonizada por Harrison Ford e a situación actual de San Francisco:
It is LITERALLY Blade Runner 2049 in California right now. pic.twitter.com/FAggbTQeNB
— Kevin L. Lee (@Klee_FilmReview) September 9, 2020
