De onde proceden os turistas de España? Descóbreo neste mapa interactivo

Este gráfico elaborado por Dominic Royé amosa que as visitas de Reino Unido, Francia, Alemaña e Países Baixos son as máis frecuentes

Desde onde nos visitan? Esa é a incógnita que o climatólogo Dominic Royé, investigador e responsable de ciencias de datos na Fundación para a Investigación do Clima (FIC), resolveu coa elaboración dun mapa de densidade a partir de datos do Instituto Nacional de Estatítisca (INE) do 2022 sobre o turismo en España. O mapa inclúe as procedencias máis frecuentes (Reino Unido, en azul; Francia, en vermello; Alemaña, en amarelo, e Países Baixos, en rosa) máis Portugal (en verde) —por unha cuestión de proximidade— e cada un dos puntos representa a 50 turistas. En Galicia, a nacionalidade máis habitual é a veciña.

As maiores concentracións de turistas prodúcense en Madrid e ao longo de toda a costa mediterránea, entre Cataluña, Comunidade Valenciana, Murcia e Andalucía. No caso de Portugal, a tendencia non é desprazarse ata tan lonxe, senón moverse ata os municipios fronteirizos, como os galegos. Obsérvase unha maior densidade nas localidades das Rías Baixas (Vigo e a súa área metropolitana) e tamén danse concentracións en Santiago de Compostela e A Coruña, onde a súa orixe mestúrase coa doutros países europeos.

Publicidade

Chamou a atención aos usuarios de Twitter a liña que cruza o territorio desde a metade de Portugal —á altura de Castela e León— ata o País Vasco, que se marca sobre todo para Francia, Alemaña e Portugal. Isto explícase porque é a ruta máis rápida para chegar ata Portugal e, en concreto, a Lisboa e, na dirección contraria, é o camiño cara os Pireneos.

Este outro mapa interactivo recolle os datos de xullo do 2022, onde os patróns observados son similares aos do gráfico anual. Desta vez cada punto representa a 25 turistas en lugar de a 50.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Es capaz de localizar a túa parroquia neste mapa?

A división territorial de Galicia está formada por 3.771 destas formacións, cunha maior concentración na Estrada, cun total de 51

‘A provincia que sabe’ recibe o premio Gente Viajera Galicia á mellor promoción turística

A campaña gastronómica da Deputación da Coruña, galardoada por "promover a innovación nos procesos turísticos”

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

Como crear un mapa artístico da túa cidade? Faino con esta aplicación

A ferramenta City Roads deseña unha imaxe vectorial do lugar no que vives e na que aparecen representadas todas as rúas e avenidas