A NASA acaba de publicar unha imaxe de satélite onde se aprecia claramente o fume do incendio que arrasa Tenerife. O lume, que se iniciou o 15 de agosto nos bosques que rodean o volcán do Teide, xa deixa 1.800 hectáreas queimadas e decenas de persoas evacuadas, segundo os datos ofrecidos esta mañá por el tiempo.es. Este non é o único incendio importante que rexistran as illas Canarias en verán, dado que a La Palma sufriu outro lume no mes de xullo.
Na imaxe publicada pola NASA tamén se poden apreciar outros curiosos fenómenos. Á esqueda do arquipélago, vese unha formación de nubes que forma un remuíño sobre o Atlántico. Segundo informan dende o organismo estadounidense, este tipo de fenómenos adoitan producirse cando os altos picos volcánicos interrompen o aire que flúe ao seu arredor.
Na mesma fotografía pode verse un río de po do deserto do Sáhara que cruza o océano rumbo ao Caribe. Tamén, unha mancha azul brillante fronte á costa marroquí que pode ser unha floración de fitoplancton. E, finalmente, unha raia diagonal de brillo solar que fai que esta escena pareza descolorida.
