Mentres os últimos datos do incendio de Dodro e Rianxo, que comezou onte á noite no lugar de Bexo, moi preto do río Ulla, seguen aumentando a superficie queimada, unha imaxe que chega desde fóra do planeta xa dá conta da magnitude do lume. O satélite Terra da NASA, mediante o seu instrumento MODIS, retratou este martes a gran columna de fume que o vento do nordés empurra cara ao Atlántico nun lume que comezou en Dodro e supera xa as 850 hectáreas queimadas.
As imaxes do Terra reflicten tamén os incendios que afectan ao norte de Portugal nas últimas horas, como o que está tendo lugar preto de Viana do Castelo.
Publicidade
