Únete á nosa canle de Whatsapp
O fenómeno de ‘El Niño‘ non deixa de sorprender aos científicos e agora creou as condicións para que se xerase un inusual furacán no Atlántico fóra da tempada habitual, que vai de principios de xuño a fins de outubro. Alex é o primeiro sistema tropical en formarse en xaneiro dende o ano 1938.
As illas Azores recibiron a advertencia de que o furacán de categoría 1 ía na súa dirección con ventos con velocidades de 140 km/h. O paso do furacán provocou danos materiais nas illas, especialmente nos portos.
En termos de calendario, Alex asombrou por ser tan madrugador. E convence aos meteorólogos de que o fenómeno de ‘El Niño’ desta edición vai ser dos máis intensos, o que sen dúbida terá consecuencias. Tras bater nas Azores, o furacán perdeu forza, para quedar disolto. A Galicia, chegará unha fronte que provocará intensas choivas e alerta amarela no mar.
