Explicación: as nubes de po cósmico ondean por este retrato en infravermellos da galaxia satélite da nosa Vía Láctea, a Gran Nube de Magallanes. De feito, a extraordinaria imaxe composta grazas ao Observatorio Espacial Herschel mailo Telescopio Espacial Spitzer amosa as nubes de po que enchen esta galaxia anana veciña, así coma o po ao longo do plano da propia Vía Láctea. As temperaturas do po tenden a perfilar a actividade de formación estelar. Os datos do Spitzer, en cores azuis, indican o po quente arrequecido polas estrelas noviñas. Os instrumentos do Herschel contribuíron aos datos da imaxe que se amosan en vermello e verde, desvelando a emisión do po procedente das rexións intermedias e máis frías, onde a formación estelar está a comezar ou xa rematou. A aparencia infravermella da Gran Nube de Magallanes, dominada pola emisión do po, é diferente da visión en imáxenes do visual. Pero a famosa Nebulosa da Tarántula desta galaxia aínda sobresae, visible de xeito doado aquí como a rexión máis brillante á esquerda do centro. A só 160.000 anos luz de distancia, a Gran Nube de Magallanes ten uns 30.000 anos luz de diámetro.
Em primeiro lugar, muito obrigado polo magnífico trabalho que fazedes neste site, tam imprescindível como inspirador. Queria apenas umha correcçom. Em galego ILG seria “Magalláns” ou, alternativamente, poderia-se respeitar o nome original “Magalhães”. O nome vem do explorador português “Fernão de Magalhães”, portanto não faz sentido escrevê-lo em espanhol. Dado que é um nome do S. XV é costume adaptá-lo, dai o “Magellans” do inglês, o “Magallanes” do espanhol e o “Magalláns” que aparece no Corpus Técnico do Galego.