O 99% da poboación da Terra acaba de estar ao mesmo tempo á luz do Sol

Luz solar ás 11.15 UTC deste 8 de xullo. Fonte: timeanddate.com
Luz solar ás 11.15 UTC deste 8 de xullo. Fonte: timeanddate.com

Desde fai algo máis dunha semana, os días están a diminuír na latitude na que se atopa Galicia. Despois de que arredor do solsticio de verán, a inclinación no eixe da Terra provocase, como todos os anos, que anoitecese antes no Río de Janeiro ca na costa galega, este 8 de xullo ao mediodía produciuse un feito pouco habitual no planeta.

Arredor das 11.15 UTC (tempo universal coordinado), que no horario de verán se corresponden coas 13.15 na hora central europea, o Sol alumeaba a arredor do 99% da poboación mundial. A noite caeu en practicamente todo o Océano Pacífico, e apenas quedaban na escuridade en terra firme a meirande parte de Oceanía, a illa de Nova Guinea e a parte oriental de Indonesia, alén doutros arquipélagos pertencentes a diversos países.

Deste xeito, mentres que os últimos raios do solpor despedían o día no Xapón, Filipinas ou Indonesia, as primeiras raiolas do día emerxían na costa oeste dos Estados Unidos. A situación xa se está a producir desde o solsticio, pero foi hoxe cando nas redes sociais e en foros como Reddit se destacou esta curiosidade.

Este acontecemento pode constatarse ao observar o mapa da densidade de poboación no mundo, unha visualización desenvolvida polo experto Alasdair Rae. Podes vela a maior resolución nesta ligazón.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.