Luns 15 Abril 2024

Non son medusas: estes son os animais que apareceron nas praias da Costa da Morte e do Morrazo

A principal hipótese atribúe o varamento masivo de veleiriños ás correntes e fortes ventos provocados pola borrasca Nelson

As praias de Carnota, Muros, Fisterra e Cangas amenceron este luns cubertas de miles de veleiriños (Velella velella). Malia a súa apariencia de medusa, estes animais mariños son en realidade unha colonia de pequenos animais denominados hidrozoos. A principal hipótese do seu varamento masivo nalgunhas praias da Costa da Morte e do Morrazo é que as correntes provocadas pola borrasca Nelson provocaron o seu arrastre cara ás praias. É dicir, o temporal marítimo da pasada fin de semana puido ser o causante da chegada destes animais mariños a algúns areais, como o de Lariño, Area Maior, O Rostro, Rodeira e Nerga.

Os veleiriños recoñécense porque son de cor azul intensa e porque teñen unha parte superior en forma de vela, que lle permite desprazarse co vento e coas mareas. É por iso que cando hai temporal marítimo, é relativamente habitual que varen grandes grupos de Velella velella nos litorais galegos. Estes animais que habitan a superficie do Atlántico Norte non son velenosos, pero si poden provocar alerxia, sobre todo se entra en contacto cos ollos ou con ferida.

Publicidade

Os veleiriños teñen unha morfoloxía semellante á coñecida carabela portuguesa (Physalis physalia). Ningunha destas dúas especies é unha medusa, senón unha colonia de hidrozoos. A forma de distinguilas, segundo a Facultade de Bioloxía da Universitat de Barcelona, é fixarse na vela de Velella velella, que ten forma tringular, fronte ao flotador cheo de gas e de gran tamaño propio das carabelas portuguesas.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A carabela portuguesa invade as praias da Coruña: como actuar se che pica?

Na Costa da Morte tamén aparecen exemplares de 'Pelagia noctiluca', unha medusa luminiscente cunha picadura moi urticante

Onde ver o mar de ardora? Estas son as mellores praias da Costa da Morte

O fenómeno de bioluminiscencia deixouse ver nas últimas semanas con todo o seu esplendor nos areais de Estorde (Cee) e Carnota

Perigo: carabela portuguesa! Que ten de especial a criatura mariña que chega a Galicia

Unha combinación inusual de condicións meteorolóxicas e oceanográficas poden favorecer a chegada desta especie

A temperatura do mar, entre as posibles causas da aparición de carabelas portuguesas en Galicia

Estes organismos con apariencia de medusa foron detectados en múltiples areais e picaron a varias persoas