Venres 29 Marzo 2024

Dora, a desbrozadora: a xenial tira de Luís Davila para o 8 de marzo

"Moza, fai coma min e desbroza!" é o lema co que o Concello de Pontevedra prepara as mobilizacións do vindeiro Día da Muller

Dora “a desbrozadora” é a protagonista da campaña que este mércores presentou o Concello de Pontevedra. Unha tira de Luís Davila, cunha muller que se dispón a tronzar unha rama coa palabra “machismo” cunha fouce transformada en símbolo feminista, mentres exclama “Moza, fai coma min e desbroza!“, será a imaxe icónica coa que o municipio comunicará á cidadanía os actos que terán lugar arredor do 8 de marzo. A tira foi presentada nun acto ao que asistiron o propio Davila, a concelleira de Igualdade, Carme Fouces, e a directora do Centro de Información á Muller (CIM), Rosa Campos.

Luís Davila definiu a súa Dora “a desbrozadora” como “unha muller loitadora, valente, pouco impresionable” e que non dubida en desbrozar a inxustiza e cortar de raíz as silveiras do machismo. O debuxante confía nun 8-M cheo de Doras ocupando as rúas, protagonistas dunha xornada festiva e reivindicativa, a prol da igualdade real.

Publicidade

Carme Fouces agradeceu a colaboración de Luís Davila a quen definiu como “unha das persoas que ten máis pillado o enfoque feminista desde a perspectiva galega”. “Foi capaz de meterse na cabeza de moitas mulleres galegas de toda a vida, de sempre….as que nos identifican, as que nos precederon”, explicou a concelleira de Igualdade.

Esta mesma semana botou a andar a distribución dos cartaces pola cidade co fin de facer un chamamento á participación no 8 de marzo e contribuír a concienciar a prol da loita da igualdade. Ademais, a imaxe de Dora “a desbrozadora” tamén vai a ser usada en chapas co lema “Moza!! Fai coma min e desbroza. As chapas estarán a disposición da xente na praza da Ferrería antes do inicio da mobilización do día 8.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

00:36:16

“As mulleres teñen que dar un paso adiante e crer que poden emprender”

Na segunda sesión de Ciencia en Feminio a CEO de Hifas da Terra, Catalina Fernández, explica que a ciencia debe ser “vendible” e beneficiosa para a vida das persoas
00:36:16

EN DIRECTO | Ciencia en feminino. O emprendemento das mulleres

A doutora en Investigación Clínica en Oncoloxía pola Universidade de Santiago, Catalina Fernández, conta a súa experiencia como directora xeral de Hifas da Terra
00:57:23

“En ciencia, moitas veces tes que demostrar que es tan capaz como un home”

A primeira actividade do ciclo 'Ciencia en feminino' analiza as vocacións científicas e como mantelas pese aos obstáculos por ser muller
00:57:23

EN DIRECTO | Ciencia en feminino. As vocacións científicas

A bióloga Alicia L. Bruzos, a enxeñeira espacial Uxía García Luis e a paleontóloga Blanca Moncunill Solé falan da súa experiencia como mulleres de ciencia