A sonda israelí Baresheet.

Fracasa a sonda israelí Beresheet ao estrelarse contra a Lúa

A nave financiada co fondos privados tivo un fallo do seu motor na aluaxe, pero Israel é o cuarto país que pon unha nave no noso satélite

A nave espacial israelí Beresheet, unha misión da empresa SpaceIL e o grupo estatal Industrias Aeroespaciais de Israel ( IAI), non conseguiu aterrar con éxito na Lúa este xoves como estaba previsto.

Finalmente a sonda chocou contra a superficie lunar e interrompéronse as comunicacións, segundo recoñeceron os responsables da misión, cuxo obxectivo era testar este demostrador tecnolóxico, tomar fotografías e realizar varios experimentos.

Tras EE UU, Rusia e China, Israel converteuse dun xeito accidentado no cuarto país que coloca unha nave no noso satélite. A palabra Beresheet significa ‘nun principio’ en hebreo, un comezo que tamén se pode aplicar para as misións lunares de Israel. Case dous meses despois do seu lanzamento cun foguete SpaceX , a primeira misión privada en tentar aterrar na Lúa foi un fracaso.

O robot era do tamaño dun lavalouzas e foi construído por unha organización sen fins de lucro israelí chamada SpaceIL e apoiada por aproximadamente 100 millóns de dólares en fondos privados. Con todo, o seu motor principal fallou durante o seu descenso cara á Lúa.

Recreación do achegamento de Beresheet á Lúa.

Thomas Zurbuchen, o administrador asociado da Dirección de Misións Científicas da NASA, comentou o fracaso: “O espazo é duro, pero pagan a pena os riscos. Se logramos o éxito cada vez, non habería ningunha recompensa”.

SpaceIL anunciou a súa intención de aterrar unha nave espacial privada na Lúa en 2011, durante unha conferencia espacial internacional en Israel. A audacia de tres enxeñeiros detrás do equipo, Yariv Bash, Kfir Damari e Yonatan Winetraub, chamou a atención dun multimillonario nado en Sudáfrica chamado Morris Kahn, quen investiu 43 millóns de dólares no proxecto. Os tres impulsores da idea recoñeceron máis tarde que a súa idea xurdiu nunha noite de copas. Pero conseguiron levala á realidade.

Aínda que a misión fracasou, era relativamente barata en comparación cos intentos anteriores de aterraxe lunar. A NASA, por exemplo, gastou aproximadamente 469 millóns de dólares na década de 1960 en sete módulos de aterraxe lunares Surveyor de tamaño similar.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.