O 19 de abril de 2021 xa é unha data histórica, porque a NASA conseguiu o primeiro voo controlado dunha nave na atmosfera doutro planeta. O voo de proba de concepto foi realizado polo pequeno helicóptero chamado Ingenuity, que viaxou ao planeta vermello co rover Perseverance, aterrando no mes de febreiro.
O pequeno helicóptero Ingenuity, enviado xunto ao rover Perseverance na misión da NASA Mars 2020, entrou na historia da aviación. Tras completar os pasos previos á operación, o dron estivo levitando durante 30 segundos sobre a superficie marciana. Os datos de telemetría confirman que o voo completo durou 39,1 segundos e alcanzou unha altitude de tres metros para finalmente aterrar de xeito seguro.
“Ingenuity has performed its first flight — the first flight of a powered aircraft on another planet!”
The data reveals: Our #MarsHelicopter has had a successful first flight: 🚁 pic.twitter.com/h5a6aGGgHG
— NASA (@NASA) April 19, 2021
Ademais dos datos de voo, tanto Ingenuity como o rover Perseverance tomaron fotografías deste fito. Nunha imaxe do dron facilitada pola NASA apréciase a sombra que deixaba no chan marciano. Pola súa banda, a secuencia de vídeo de Perseverance permite ver o ascenso do helicóptero e o movemento das súas aspas. Agora Ingenuity seguirá facendo probas de voo no planeta vermello durante un mes.
