Cando a sonda Voyager 2 da NASA pasou preto de Neptuno en 1989 detectou seis pequenas lúas na órbita interior do planeta, pero houbo unha que pasou inadvertida. Descubriuna en 2013 o astrónomo estadounidense Mark Showalter, do instituto SETI, mentres analizaba fotos do xigante gaseoso captadas co telescopio espacial Hubble.
Agora un equipo de científicos liderado por Showalter describe na revista Nature as características desta diminuta lúa, bautizada como Hipocampo (en honra á criatura da mitoloxía grega que era metade cabalo e metade peixe), a sétima da rexión interna tras Náyade, Talasa, Despina, Galatea, Larisa e Proteo.
O diámetro de Hipocampo (ilustrado en primeiro plano na imaxe) rolda os 34 quilómetros, atópase a un 105.251 km de Neptuno (o xigante azulado) e orbita preto de Proteo (ao fondo), o maior e máis exterior dos satélites internos. De feito, segundo os expertos, Hipocampo podería formarse a partir dun dos fragmentos desta lúa veciña, desprendidos tras o impacto dun cometa.
E aquí podes ver o artigo na revista Nature
