A túa cidade é un labirinto de rúas, avenidas e camiños sen saída. Algunhas son estreitas e apenas transitadas; outras moitas están masificadas polo balbordo do tráfico e dos transeúntes que entran e saen dos seus traballos. Non imaxinas que este caos que ás veces engule os espazos urbanos tamén pode ter certa beleza se o miramos dende o alto. Iso é o que nos permite a aplicación City Roads: compoñer unha imaxe artística da túa cidade, baseándose exclusivamente nas estradas que serpean polo lugar no que vives. O resultado roza o artístico e non deixa de ser unha estampa curiosa e ben fácil de enmarcar.
O uso da aplicación é moi doado. Clicando nesta ligazón entras nunha interface moi sinxela que ten un buscador. Aí introduces o nome da cidade ou lugar no que vivas e automaticamente xera un mapa das estradas que cruzan o espazo urbano escollido. O que consegue esta ferramenta é descargar un plano da cidade en cuestión a través de Open Street Map e crear unha imaxe vectorial, que é a que che ofrece a ti como usuario. No botón de arriba á esquerda déixache personalizar o contido e variar a cor do fondo e das liñas que surcan o mapa, así como o nome da cidade. Finalmente, podes descargar a imaxe no formato escollido.
A continuación, podes consultar os planos das sete cidades galegas:
