Únete á nosa canle de Whatsapp
Decenas de persoas achegáronse levan desde o luns achegándose á praia de Mira, unha localidade do distrito de Coímbra situada ao sur de Aveiro, onde apareceu na segunda feira un enorme exemplar de rorcual ou balea común (Balaenoptera physalus). O animal amosaba xa un importante grao de descomposición, o que vai dificultar as tarefas de retirada dos restos da praia, que ían comezar na xornada do mércores.
Segundo recolleu o xornal Público, desde o Comando Local do Porto de Aveiro indicaron que se trata dunha balea de sexo masculino, que mide arredor de 19 metros de lonxitude e ten un peso de “entre 18 e 20 toneladas”.
Ao lugar acudiron tamén responsables do Centro de Reabilitação de Animais Marinhos (CRAM), que tomaron mostras do animal, como tecidos de pel e músculo, para afondar na caracterización xenética. Segundo indicaba o diario Observador, en agosto deste ano xa aparecera na mesma praia outra balea de 7,80 metros de lonxitude e tres toneladas de peso.
