Der Spiegel sorpréndese con Narón, a vila que quere perder 100.000 kg

Der Spiegel dedica unha ampla reportaxe a Narón e o seu programa.

A idea de Narón de perder peso está a dar a volta ao mundo. O municipio coruñés quere que os seus habitantes baixen 100 toneladas dende agora ata o ano 2020. E o semanario alemán Der Spiegel quedou tan sorprendido coa iniciativa que lle dedica unha ampla reportaxe no seu último número.

“Perder peso pode ser bastante difícil: contar calorías, facer exercicio, comer bocadillos pouco saudables e absterse do alcol, iso non é necesariamente divertido. Excepto cando o fas con outros”, afirma o semanario, que destaca que máis de 4000 narones traballan xuntos para adelgazar.

A revista xermana conta casos concretos, como o de María Teresa Rodríguez que en marzo pesaba 82 quilos e agora son 70.  A idea para a dieta común foi do doutor Carlos Piñeiro, a quen entrevistan en Der Spiegel (O espello, en alemán).

Co apoio do concello, en xaneiro comezou o programa para comer de xeito máis saudable e facer máis exercicio. Dos 40,000 habitantes da cidade, arredor de 9,000 teñen sobrepeso e uns 3,000 son considerados obesos. É un dato que non resulta extraño, porque Galicia é a rexión coa maior proporción de persoas obesas en España, segundo un estudo da Sociedade Española de Cardioloxía.

Reportaxe de Der Spiegel sobre Narón (A Coruña).
Reportaxe de Der Spiegel sobre Narón (A Coruña).

“Debido ao clima chuvioso aquí, as persoas moitas veces quedan na casa e comen moitas calorías todos os días”, di Piñeiro. “A gastronomía galega é coñecida polas súas enormes racións”, asegura Der Spiegel, que salienta que no programa tamén participan restaurantes e escolas.

Moitos veciños teñen mudado os seus hábitos alimenticios. Os 18 restaurantes da cidade fan a súa contribución para alcanzar o obxectivo de 100.000 quilos, ofrecendo pratos máis saudables. “Substitúo o sal con algas e a manteiga con aceite de oliva natural”, di o dono do restaurante Diego Pratas. O experimento funciona e a revista alemá considera que o caso de Narón é un exemplo para toda Europa.

1 comentario

  1. En Narón non existe plan ningún, nin inversions en saude ou educación, preguntade como infornan os profesionais ós pacientes e qué actividades de coordinaciin se fan para o plan, ou o financiamento..e todo fume..

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.